اسلام آباد۔3اکتوبر (اے پی پی) نگران وفاقی وزیر داخلہ سرفراز بگٹی آکھیا جو پاکستان اچ موجود غیر قانونی غیر ملکیاں کوں رضا کارانہ طور 31 اکتوبر تئیں ملک چھوڑݨ دی مہلت اے، او یکم ن??مبر تئیں واپس نی ویندے تاں ڈی پورٹ کریسوں۔ 31 اکتوبر تئیں افغانیاں کیتے الیکٹرانک تذکرہ چلسی اوندے بعد ویزہ پالیسی لاگو تھیسی۔ ہݨ پاکستان اچ کوئی وی غیر ملکی بغیر ویزہ اتے پاسپورٹ دے کائنا آسڳسی۔ ݙاہ اکتوبر توں ڳھن تے 31 اکتوبر تئیں افغانیاں کیتے ??ی تذکرہ یا ا??یکٹرانک تذکرہ اے۔ اے کمپیوٹرازڈ ہوسی، کاغذی تذکرہ کائنا چلسی۔ منگل کوں وزارت داخلہ اچ وزیراعظم دی صدارت اچ ایپکس کمیٹی دے اجلاس دے بعد ہنگامی پریس کانفرنس توں خطاب کریندیں ہوئیں نگران وفاقی وزیر داخلہ سرفراز بگٹی آکھیا جو کہیں وی پاکستانی دی فلاح اتے سکیورٹی اساݙے کیتے ساریاں توں اہم اے اتے کہیں وی ملک یا پالیسی توں ودھ اہم پاکستانی قوم اے۔ انہاں آکھیا جو ایپکس کمیٹی دے اجلاس اچ فیصلہ کیتا ڳئے جو پاکستان اچ غیر قانونی رہݨ آلے غیر ملکیاں کوں اساں یکم ن??مبر تئیں ڈیڈ لائن ݙتی اے او ایں تاریخ تئیں رضاکارانہ طور آپݨے ملکاں اچ واپسی چلیے ونڄن۔انہاں آکھیا جو یکم ن??مبر دے بعد اساݙا ہک آپریشن شروع تھیسی جئیں اچ وزارت داخلہ اچ ہک ٹاسک فورس ٻݨائی ڳئی اے جئیں دے تحت پاکستان اچ غیر قانونی طریقے نال آ تے رہݨ آلے لوکاں دی جتنی وی غیر قانونی جائیداداں ہن، انہاں جتنے وی غیرقانونی کاروبار کیتن، اساݙے ٹیکس نیٹ اچ کائنی یا ا?? کاروبار جیڑھا غیر قانونی شہریاں دے ہن پر پاکستانی شہری انہاں نال رل تے اے کاروبار کریندے پئن۔ اساݙی انٹیلی جنس ایجنسیاں اتے قانون نافذ کرݨ آلے ادارے انہاں کوں گلیسن اتے اساں انہاں کاروبار اتے جائیداداں کوں بحق سرکار ضبط کریسوں۔ جیڑھا وی پاکستان ایں کم دی سہولت کاری اچ ملوث ہوسی اونکوں پاکستان دے قانون دے مطابق سزا ݙتی ویسی۔
.jpg)
