کورونا وائرس نال نمٹݨ کیتے رل تے کم کرݨا ہوسی، وزیر صحت عبدالقادر پٹیل

اسلام آباد۔22جون(اے پی پی)وفاقی وزیر صحت عبدالقادر پٹیل دی اڳواݨی اچ این آئی ایچ اچ کورونا بارے ??جلاس تھئے جیندے اچ قومی ادارہ صحت دے ایگزیکٹ?? ڈائریکٹر میجر جنرل عامر اکرام، صوبیاں دے ہیلتھ سیکرٹریز اتے نمائنداں ویڈیو لنک تے شرکت کیتی۔ اجلاس اچ کورونا وائرس دی اڄوکی صورتحال تے بریفنگ ݙتی ڳئی اتے ہݨ تئیں دے اقدامات ݙسائے ڳئے جو ملک دی 85 فی صد اہل آبادی دی کورونا ویکسینیشن مکمل تھی چکی اے، پچھلے کڄھ ݙینھ اچ کورونا ولا ودھین اتے ساری صورت حال تے اکھ رکھی ویندی پئی اے۔ وزیر صحت آکھیا جو کرونا توں بچݨ کیتے ہر سطح تے اقدامات تھیندے پن، وفاق اتے صوبے رل تے لوکاں کوں کرونا توں بچاوݨ کیتے کم کریندے پن، بھل ملک اچ ویکسینیشن اتے ٹیسٹنگ نظام کوں ٻیا تکڑا کرݨ دی لوڑھ اے۔ انہاں ہدایت کیتی جو عید الاضحی تے مویشی منڈیاں اچ کورونا ایس او پیز تے عملدرآمد کیتا ونڄے۔

مضمون کا ماخذ : raspadinha acumulada

متعلقہ مضامین