اسلام آباد۔26جو??ائ??(اے پی پی) چیئرمین سینی?? سید یوسف رضا گیلانی آکھیے نینگر آرٹسٹس کہیں وی ملک دا قیمتی اثاثہ ہن ،نینگرآرٹسٹاں کوں صلاحیت ݙکھاوݨ سانڳے موقع ݙیوݨے چاہیدن۔ پاکستان نیشنل کونسل آف آرٹس اسلام آباد اچ فن پاریں دی نمائش دی تقریب توں خطاب اچ انہاں آکھیے اڄ اتھاں12 نینگراں دے فن پارے ݙیکھ تے خوشی تھئی اے انہاں دی محنت وژن نظر آندا پئے ۔چیئرمین سینیٹ آکھیے نینگر آرٹسٹاں کوں ملک دا قیمتی اثاثہ بݨاوݨ سانڳے انہاں کوں بہترین موقع ݙیوݨے چاہیدن نینگر آرٹسٹاں دی حوصلہ افزائی کرݨ نال انہاں دی کارکردگی اتے کم اچ بہتری آندی اے ۔ سید یوسف رضا گیلانی میں وی آرٹ نال پیار کرینداں ،فن پارے ݙیکھ تے لوک آرٹسٹ دے کم توں متاثر تھیندن ۔چیئرمین سینی?? سید یوسف رضا گیلانی آکھیے پاکستان اچ فنون لطیفہ اتے ڈیجیٹل آرٹ کوں ودھارا ملدا پئے،ایں شعبے دی چنڳائی سانڳے موثر حکمت عملی اتے اقدامات چاوݨ دی لوڑھ اے ، تصوری تخیلات کوں کینوس تے لہاوݨ ھک فن اے جیڑھا جیڑھا ݙیکھݨ آلیں کوں حیرت اچ پا ݙیندے ،ہر آرٹسٹ اپݨی نوعیت اچ انڄ شخصیت دا مالک ہوندے ۔چیئرمین سینیٹ آکھیے نویں رجحان توں آگاہی ٻہوں اہم اے جیں دے ذریعے آرٹسٹ اپݨے فن کوں نویں جہت نال ݙکھا سڳدن ،خطاطی اتے فن پاریں دے طلبا ء و طالبات اپݨی صلاحیتاں اچ نکھار سانڳے محنت کرن اتھاں اڄ دورہ کرتے فنکاراں دی ہنر مندی ݙیکھݨ دا موقع ملیے اتھاں بݨائے ڳئے سارے فن پارے آرٹ دا بہترین نمونہ ہن، ایہو سویاں نمائشاں ملک دے سارے صوبیں اچ تھیوݨیاں چاہیدن ۔ چیئرمین سینیٹ آکھیے ایہو جیہاں نمائشاں توں پاکستان دا سافٹ امیج پوری دنیا اچ ابھردے ، صوبہ خیبر پختونخوا اتے سابق فاٹا دے لوک پڑھے لکھیے تے محنتی ہن، صوبہ خیبر پختونخوا اچ دہشت گردی مکاوݨ سانڳے ٻہوں کم کیتے او ویلھا پرے کائی جݙاں ملک امن دا گہوارہ ہوسی ۔ چیئرمین سینیٹ آکھیے پاکستان دہشت گردی دی جنگ اچ ٻہوں جانی تے مالی قربانیاں ݙتن ۔چیئرمین سینیٹ مزید آکھیے سارے ٻاہرلے ملکاں اچ پاکستان دے م??بت امیج کوں چاوݨ اساں ساریں دا فرض اے ۔ چیئرمین سینیٹ فن پاریں دی نمائش دی انتظامیہ کوں شاند??ر نمائش تے خراج تحسین پیش کیتا۔نمائش دے موقع تے چیئرمین سینی?? سید یوسف رضا گیلانی دے رلے گورنر صوبہ خیبر پختونخوا فیصل کریم کنڈی اتے ممبر صوبائی اسمبلی پنجاب آمنہ شیخ وی موجود ہن
