وزیراعظم عمران خان کہیں توں بلیک میل تھیونڑ آلے نئیں،کرپشن کرنڑ آلیاں کوں کوئی ریلیف نہ ملسی، سابق وزیراعظم نوازشریف کوں ولا وطن گھن آونڑضروری تھی گئے،وفاقی وزیر اطلاعات شبلی فرازدی پریس کانفرنس
APP37-21
ISLAMABAD: August 21 - Federal Minister for Information and Broadcasting, Shibli Faraz, addressing the press conference at PID media center. APP photo by Saleem Rana
اسلام آباد ۔ 21 اگست (اے پی پی)فاقی وزیر اطلاعات شبلی فراز آکھیے جو اپوزیشن دی پہلے ڈینھ توں کوشش اے جو کیہوائیں حکومت کوں ناکام کرایا ونجے ،تہوں بھاویں کرونا ہووے یا ایف اے ٹی ایف جھیاں قومی مسلہ، انہاں ہر گالھ تے حکومت تے دباو سٹنڑ اتے بلیک میل کرنڑ دی کوشش کیتی اے بھل وزیراعظم عمران خان کہیں توں بلیک میل تھیونڑ آلے نئیں،کرپشن کرنڑ آلیاں کوں کوئی ر??لیف نہ ملسی،اپوزیشن این آر او گھنڑ اتے چھوٹ گھنڑ کیتے ہر قومی معاملے تے بلیک میل کرنڑ داموقع نئیں ونجنڑ ڈیندی بھاویں ملک و قوم دا جتلا وی نقصان تھیوے،سابق وزیراعظم نو??زشریف کوں ولا وطن گھن آونڑضروری تھی گئے۔ اے گالھ انہاں اسلام آباد اچ پریس کانفرنس کریندے آکھی۔ انہاں آکھیا جو ہنڑ ضروری تھی گئے جو وزارت خارجہ دے ذریعے برطانوی حکومت کوں درخواست کیتی ویسی جو او مسلم لیگ(ن) دے قائد نو??ز شریف کوں ولا وطن بھیجے، نو??زشریف بیماری دا بہانہ کر تے (بیرونِ ملک)گین اتے دھوکہ بازی نال ونج تے لندن بیہھ گین،اے تاں اینجھے کماں دے ماسٹر مائنڈ ہین جتھاں علاج تاں کیاہک ایکسرے تئیں نئیںکروایا گیا۔انہاں آکھیے جو فنانشنل ایکشن ٹاسک فورس (ایف اے ٹی ایف) دی بلیک لسٹ اچ ونجنڑ ہک وڈا قومی مسلہ اے جیندے نال ملک دا وڈا ??یان تھیسی بھل اپوزیشن ایندے تے وی سیاست کریندی پئی اے بھاویں ملک و قوم دا وڈا نقصان ہی کیوں نہ تھی ونجے،بس انہاں دا لٹیا پیسہ بچ ونجے اتے جیل ونجنڑ توں وی ر?? ونجین۔شبلی فراز آکھیے جو وزیراعظم ایویں نئیں آہدے جو اے این آر او منگدن،ہنڑ ایف اے ٹی ایف دے کجھ قوانین منظورتھی گین اتے کجھ راہندن بھل اپوزیشن دی کوشش اے جو کوئی این آر او مل ونجے،اے ہک بل دے 37نکات اچوں 34 اچ تبدیلی چاہندن ،جیکر اے ملک کیتے چنگی ہوندی تاں ضرور کریندے بھل اے اپنڑا الو سدھا کرنڑ چاہندن،وزیراعظم عمران خان انہاں کوں چھوڑن آلے نئیں بھل ساڈا کرپشن دے خلاف عزم پہلے توں وی بیا تکڑا تھی گئے،عمران خان سیاست اتے اقتدار دا نئیں صرف ملک اتے قوم دا سچیندن،جڈاں اسمبلی دا اجلاس تھیسی تاں ول ڈیکھسوں جو اے ملک و قوم دا بھلا کریندن یاولااپنڑے کیتے سوکھ ڈیہدن۔
