پاکستان دی اسرائیل دی خطے اچ مہم جوئی اتے لبنان تے حملے دی مذمت، ترجمان دفتر خارجہ

اسلام آباد۔1اگست(اے پی پی) پاکستان اسرائیل ولوں خطے اچ مہم جوئی اتے لبنان تے حملے دی مذمت کریندے چنتا کیتے جو اسرائیلی مہم جوئی نال خطے اچ جنگ دے خطرات ودھسن۔ اسلام آباد اچ ہفتہ وار بریفنگ ݙیندے دفتر خارجہ دی ترجمان ممتاز زہرہ بلوچ اکھیے جو اسرائیلی جارحیت لبنان دی خودمختاری اتے علاقائی سالمیت دی سنگین خلاف ورزی اے، پاکستانی عوام لبنان نال مونݙھا رلا تے کھڑن۔ انہاں آکھیا جو اسماعیل ہنیہ دا قتل پہلے توں غیرمستحکم خطے اچ امن خراب کرݨ دی کوشش اے، اسرائیلی جارحیت علاقائی سلامتی کوں خطرے اچ ست ݙتے، اسرائیل فلسطینیاں دے خلاف دہشتگردانہ مہم ختم کرے اتے اقوام متحدہ غزہ دے لوکاں دی نسل کشی بند کراوے۔ ترجمان آکھیا جو نائب وزیر اعظم اسحاق ڈار ایران ڳئے ہن جتھاں انہاں ایرانی صدر مسعود پیزشکیان دی تقریب حلف برادری اچ پاکستان دی نمائندگی کیتی اتے پاکستان دی حکومت اتے عوام ولوں مبارک ݙیندے ایران دی نویں انتظامیہ نال تعلقات تکڑے کرݨ دا عزم دوہرائے۔ ترجمان آکھیے جو دولت مشترکہ دی سیکرٹری جنرل پٹریشا دا دورہ بہترین رہے جیندے اچ فریقین دولت مشترکہ دے پلیٹ فارم تے رل تے کم کرݨ تے اتفاق کیتے۔

مضمون کا ماخذ : پاکستان لاٹری نمبر

متعلقہ مضامین